YouTube Channel Monetization Guide 2025: 10 Golden Rules (Paise Kaise Kamayein)
Namaste dosto 2025 aa gaya hai aur youtube se paisa kamana ab 'Halwa' nahi raha Google ki policy tight ho gayi hai, lekin tension mat lo sahi raasta mai bataunga. Google ki policies ab thodi strict ho gayi hain, lekin agar aap sahi tarike se kaam karein, toh yeh aaj bhi online paisa kamane ka sabse best tarika hai.
Agar aap ek naya channel shuru kar rahe hain ya struggle kar rahe hain, toh yeh 10 Important Points aapko batayenge ki channel monetize kaise karein, kya galtiyan na karein, aur paise kaise aayenge.
.png)
Part 1: Monetization Ke Liye Target (Eligibility)
| Features | Half Monetization (Fan Funding) | Full Monetization (Ad Revenue) |
|---|---|---|
| Subscribers | 500 Subs | 1,000 Subs |
| Video Watch Hours | 3,000 Hours | 4,000 Hours |
| Shorts Views | 3 Million (90 Days) | 10 Million (90 Days) |
| Income Source | Super Chat, Stickers, Memberships | Video Ads + All Fan Funding |
1. Do Tarah ki Entry: 500 vs 1000 Subscribers
Ab aap chhota target poora karke bhi kamai shuru kar sakte hain:
Half Monetization (500 Subs): Agar aapke 500 Subscribers aur 3,000 Watch Hours (ya 3 Million Shorts Views) ho jate hain, toh aap 'Fan Funding' features jaise Super Chat, Super Thanks, aur Memberships chalu kar sakte hain. Isse Ads ke paise nahi milenge, bas fans se direct support milega.
Full Monetization (1000 Subs): Asli kamai yahan hai! Ads se revenue (paisa) kamane ke liye aapko 1,000 Subscribers aur 4,000 Watch Hours (ya 10 Million Shorts Views) pichle 365 din mein pure karne honge.
2. Two-Step Verification On Karein
Bahut log ye galti karte hain. Monetization tab tak apply nahi hoga jab tak aapke Google Account par 2-Step Verification on nahi hai. Ye security ke liye zaroori hai taaki aapka channel hack na ho.
Part 2: Kya Karein (Do's - Sahi Tarika)
3. Original Content Hi King Hai (July 2025 New Rule)
YouTube ne July 2025 mein apni policies update ki hain. Ab "Inauthentic Content" (nakli ya mass-produced content) par sakhti hai.
Kya karein: Apni khud ki awaaz (voiceover) aur face value add karein.
Pro Tip: Agar aap AI tools use kar rahe hain, toh usme apna personal touch zaroor dalein. Sirf copy-paste wala kaam ab nahi chalega.
4. Niche (Topic) Ek Hi Rakhein
Mixed content mat daalo. Agar kabhi Gaming, kabhi Vlog, aur kabhi Tech daaloge, toh YouTube algorithm confuse ho jayega. Ek specific category pakdo (jaise Tech, Finance, Cooking)
• Note: Finance aur Tech category mein sabse zyada paisa (High CPM) milta hai.
5. Copyright Free Music Use Karein
Bollywood gaane ya kisi aur ka music use karne se bachein. Isse 'Copyright Claim' aa jata hai, jiska matlab hai ki uss video ki saari kamai music company ko jayegi, aapko nahi.
• Solution: Hamesha YouTube Audio Library ka free music use karein.
Part 3: Kya Na Karein (Don'ts - Khatra)
6. Reused Content Se Bachein (Sabse Badi Galti)
Dusron ki video utha kar upload karna, ya Instagram reels ko seedha YouTube Shorts par daalna 'Reused Content' maana jata hai.
Agar aap Reaction Channel hain, toh ensure karein ki aapka chehra aur commentary video mein dominant ho. Sirf chupchap baith kar video dekhne se channel monetize nahi hoga.
7. Fake Views aur Subs Na Kharidein
Telegram ya websites se 4000 watch hours kharidne ki koshish na karein. YouTube ka system bahut smart hai. Wo in fake views ko pakad leta hai aur aapka channel suspend kar sakta hai ya application reject kar dega. "Organic Growth" hi sabse best hai.
8. Community Guidelines Ka Dhayan Rakhein
Agar aapke channel par koi Active Community Strike hai, toh aap monetization ke liye apply nahi kar sakte. Strike hatne ka wait karna padega (90 din). Isliye violence, hate speech, ya dangerous content se door rahein.
Part 4: Monetize Kaise Hoga (Process)
9. AdSense Account Linking
Jab aapka target (1000 subs + 4000 hours) pura ho jaye, toh yeh steps follow karein:
YouTube Studio mein 'Earn' tab par jayein.
'Apply Now' par click karein.
Wahan aapko Google AdSense account create karne ya link karne ko kaha jayega.
Bhai, yahan sabse badi chiz hai. Yaad rakhe, ek insaan ka sirf ek hi AdSense ban sakta hai। Agar dusra banaya gaya to 'duplicate account jalad aayega aur channel par mahino tak atke rahenge. Agar pehle kabhi banaya tha, toh wahi link karein, naya mat banayein warna "Duplicate Account" ka error aa jayega.
10. Review Process (Patience Rakhein)
Apply karne ke baad, YouTube ki team (insaan, robot nahi) aapke channel ko manually check karegi. Wo check karenge:
Main Theme (Channel kis baare mein hai).
Most Viewed Videos (Sabse zyada chalne wali video).
Newest Videos.
Metadata (Titles, Thumbnails, Descriptions).
